En dan ús nije produksje en dit hat, hoe kin it ek oars, de titel: Hulde!
Arend en Geartsje binne 60 jier troud.
Dat moat fierd wurde fansels en de bern en bernsbern sjonge harren ta en dogge it ABC fan it libben.
Dat bringt Arend en Geartsje werom yn de tiid fan doe’t se jong wiene en elkoar foar it earst seagen en sa glidet it hiele libben foarby mei dêrby de muzyk dy’t doe te hearren wie.
It is in foarstelling mei humor brocht en in grut ‘ Och heden ja…’ gehalte.
HULDE! is skreaun troch Peer Wittenbols (2024) en yn it Frysk oerset en bewurke troch Marijke Geertsma en Jan Arendz (2025)
‘’De foarstelling Hulde! is herkenber, ûntroerend en hilarysk tagelyk…”
